Paredes er hér ásamt liðsfélögunum Kylian Mbappe og Lionel Messi.

Mynd: EPA

Paredes er 28 ára gamall og er með 44 landsleiki að baki fyrir Argentínu. Hann hefur verið hjá PSG í þrjú og hálft ár en aldrei tekist að festa sig í sessi í byrjunarliðinu. 

Paredes, sem leikur aftarlega á miðjunni, hefur aðeins skorað þrjú mörk og gefið tíu stoðsendingar í 115 leikjum hjá PSG. Hann lék fyrir Boca Juniors, Roma og Zenit áður en hann hélt til PSG.

Max Allegri vill breyta til á miðjunni hjá Juve eftir að liðið endaði í fjórða sæti á síðustu leiktíð. Hann vill losa sig við Adrien Rabiot og Arthur til að gera pláss fyrir Paredes. Paul Pogba er þegar kominn til félagsins en varð strax fyrir slæmum meiðslum.

Weston McKennie, Manuel Locatelli og Denis Zakaria eru einnig í leikmannahópi Juve ásamt Nicoló Rovella sem gæti þó verið lánaður út eða seldur í sumar.