Búið er að fresta þremur leikjum í ensku úrvalsdeildinni um næstu helgi en hinir sjö munu fara fram.
Það var ekkert spilað í enska boltanum um síðustu helgi af virðingu við Elísabetu drottningu sem var 96 ára gömul þegar hún lést í síðustu viku.
Núna hefur þremur leikjum verið frestað vegna útfarar drottningarinnar á mánudaginn.
Búist er við gríðarlega miklum fólksfjölda í London um helgina og þarf lögreglan þar á miklum mannafla að halda.
Búið er að fresta leik Brighton og Crystal Palace sem átti að vera á laugardaginn og tveimur leikjum sem áttu að vera á sunnudaginn; Chelsea - Liverpool og Manchester United - Leeds.
Það þarf að vera mikill viðbúnaður hjá lögreglu í kringum þessa þrjá leiki, en það er einfaldlega ekki hægt að standa fyrir því núna um helgina.
Leikir helgarinnar:
Föstudagur:
19:00 Nott. Forest - Fulham
19:00 Aston Villa - Southampton
Laugardagur:
11:30 Wolves - Man City
14:00 Newcastle - Bournemouth
16:30 Tottenham - Leicester
Sunnudagur:
11:00 Brentford - Arsenal
13:15 Everton - West Ham
Athugasemdir