Kvennalið Benfica byrjar nýtt tímabil mjög vel í portúgölsku úrvalsdeildinni.
Í liði Benfica er Cloe Lacasse, fyrrum leikmaður ÍBV. Hún var markahæsti leikmaður deildarinnar í fyrra þegar keppni var hætt vegna kórónuveirufaraldursins. Hún skoraði 23 mörk í 15 leikjum.
Benfica var á toppnum með 42 stig úr 15 leikjum, eins og Sporting Lissabon. Markatala Benfica var töluvert betri þar sem liðið hafði skorað 101 mark og fengið á sig fjögur í þessum leikjum.
Það eru búnir þrír leikir á nýju tímabili og hefur Benfica unnið þá alla. Liðið er með markatöluna 18-1. Cloe er búin að skora fimm mörk í fyrstu þremur leikjunum. Í öðrum leik tímabilsins, í 9-1 sigri á Atl. Ouriense, skoraði Cloe eitt og lagði upp fjögur til viðbótar.
Kvennalið Benfica var stofnað 2017 en liðið hefur á skömmum tíma náð yfirburðum í Portúgal. Liðið hefur skorað meira en 600 mörk á þremur tímabilum.
Cloe er 26 ára og fædd og uppalin í Kanada. Hún er hins vegar komin með íslenskan ríkisborgararétt eftir að hafa verið í fimm ár hjá ÍBV. Hún er hins vegar ekki enn gjaldgeng í landsliðið þar sem hún uppfyllir ekki kröfur FIFA um að vera lögleg með landsliðinu.
„Við erum að vinna í þeim hlutum með henni en á meðan hún uppfyllir ekki þær kröfur þá er lítið sem við getum gert í því. Það er miður því hún er frábær leikmaður sem kæmi sterklega til greina í landsliðið og hún nýst okkur vel. Eins og staðan er núna er hún ekki leikmaður íslenska landsliðsins og kemur ekki til greina í landsliðið að svo stöddu," sagði Jón Þór Hauksson, landsliðsþjálfari, í Pepsi Max-mörkunum fyrr á árinu.
„Þetta er búseta á Íslandi. Hún hefur ekki uppfyllt þær kröfur enn þá og er því ekki gjaldgeng í íslenska landsliðið en við erum að kenna réttarstöðuna í því."
Curiosidade do dia: com o golo de Darlene, o futebol feminino do Benfica atingiu a marca dos 600 golos oficiais.
— Profeta do Benfica (@ProfetaBenfica) October 10, 2020
Darlene marcou 136 dos 602 golos da secção (22,6%). pic.twitter.com/l2gnnJ7pXu
Athugasemdir