Mykhailo Mudryk, kantmaður Shakhtar Donetsk í Úkraínu, er eftirsóttasti bitinn á leikmannamarkaðnum í dag.
Arsenal hefur verið að reyna að kaupa hann allan mánuðinn og hefur lagt fram nokkur tilboð.
Arsenal lagði fram tilboð fyrr í þessari viku sem hljóðaði upp á 70 milljónir evra að auki 25 milljóna í árangurstengdar greiðslur. Shakhtar hefur verið að biðja um 100 milljónir evra fyrir leikmanninn.
Núna segir Fabrizio Romano, sem er áreiðanlegastur þegar kemur að fréttum af leikmannamarkaðnum, að nágrannar Arsenal í Chelsea séu á fullu að reyna að stela Mudryk.
Mudryk hefur verið langmest verið orðaður við Arsenal en viðræðurnar á milli félaganna hafa gengið hægt. Stjórn Chelsea er að ræða við kollega sína hjá Shakhtar þessa stundina í von um að ná samkomulagi.
Chelsea er tilbúið með formlegt tilboð sem er nálægt þeim 100 milljónum evra sem Shakhtar er að biðja um.
Arsenal þarf að drífa sig ef félagið ætlar að landa Mudryk því Chelsea gengur hratt í málin.
???? EXCLUSIVE: Chelsea board now in Poland trying to reach verbal agreement with Shakhtar for Mudryk and hijack the deal! Official bid ready close to €100m. ???? #CFC
— Fabrizio Romano (@FabrizioRomano) January 14, 2023
Arsenal always been leading the race, in talks with Shakhtar after 3d official bid.
Mudryk position, now crucial. pic.twitter.com/CwWWerfoQ8
Athugasemdir