Tveimur leikjum var að ljúka í ensku úrvalsdeildinni rétt í þessu en á Anfield mættust Liverpool og Crystal Palace í mjög fjörugum leik.
Liverpool er að berjast á toppnum við Manchester City og Arsenal um titilinn og því mátti liðið alls ekki við því að misstíga sig í dag. Liverpool hefur verið í vandræðum upp á síðkastið en liðið gerði 2-2 jafntefli gegn Manchester United í síðasta deildarleik og þá steinlá Liverpool gegn Atalanta í Evrópudeildinni í miðri viku.
Crystal Palace byrjaði leikinn miklu betur og var það Eberechi Eze sem kom gestunum í forystu með marki af stuttu færi eftir mjög flotta sókn. Palace sótti áfram og fékk Jean-Philippe Mateta algjört dauðafæri stuttu síðar þegar Virgil van Dijk rann. Mateta setti boltann framhjá Alisson Becker en Andy Robertson bjargaði stórkostlega á marklínu.
Við þetta vaknaði Liverpool og fékk Luis Diaz dauðafæri í fyrri hálfleiknum en Dean Henderson var betri en enginn á milli stanganna í markinu hjá Palace í dag. Þá átti Wataru Endo skot í þverslánna.
Liverpool var betra liðið í síðari hálfleiknum og klúðraði Diogo Jota algjöru dauðafæri en hann kom inn á sem varamaður. Þá komst Darwin Nunez einnig í dauðafæri en Henderson varði frábærlega. Stuttu síðar gat Mateta komið Palace í 2-0 forystu en hann klúðraði þá algjöru dauðafæri inn í markteignum. Alisson varði skot hans meistaralega af stuttu færi. Upp fór Liverpool og þar slapp Curtis Jones einn í gegn en skot hans fór framhjá markinu.
Það var hreint með ólíkindum að fleiri mörk voru ekki skoruð á Anfield í dag. Mohamed Salah klúðraði þá einnig dauðafæri og minnti færið hans mikið á færi Mateta. Hann skaut þá í Henderson af mjög stuttu færi í uppbótartímanum.
Magnaður sigur Palace staðreynd en Liverpool missteig hressilega í baráttu sinni um titilinn. Arsenal getur komist á toppinn með sigri á Aston Villa á eftir.
Þá vann Fulham sterkan útisigur á West Ham United þar sem Andreas Pereira sá um mörkin tvö.
Liverpool 0 - 1 Crystal Palace
0-1 Eberechi Eze ('14 )
West Ham 0 - 2 Fulham
0-1 Andreas Pereira ('9 )
0-2 Andreas Pereira ('72 )
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 38 | 26 | 7 | 5 | 71 | 27 | +44 | 85 |
| 2 | Man City | 38 | 23 | 9 | 6 | 77 | 35 | +42 | 78 |
| 3 | Man Utd | 38 | 20 | 11 | 7 | 69 | 50 | +19 | 71 |
| 4 | Aston Villa | 38 | 19 | 8 | 11 | 56 | 49 | +7 | 65 |
| 5 | Liverpool | 38 | 17 | 9 | 12 | 63 | 53 | +10 | 60 |
| 6 | Bournemouth | 38 | 13 | 18 | 7 | 58 | 54 | +4 | 57 |
| 7 | Sunderland | 38 | 14 | 12 | 12 | 42 | 48 | -6 | 54 |
| 8 | Brighton | 38 | 14 | 11 | 13 | 52 | 46 | +6 | 53 |
| 9 | Brentford | 38 | 14 | 11 | 13 | 55 | 52 | +3 | 53 |
| 10 | Chelsea | 38 | 14 | 10 | 14 | 58 | 52 | +6 | 52 |
| 11 | Fulham | 38 | 15 | 7 | 16 | 47 | 51 | -4 | 52 |
| 12 | Newcastle | 38 | 14 | 7 | 17 | 53 | 55 | -2 | 49 |
| 13 | Everton | 38 | 13 | 10 | 15 | 47 | 50 | -3 | 49 |
| 14 | Leeds | 38 | 11 | 14 | 13 | 49 | 56 | -7 | 47 |
| 15 | Crystal Palace | 38 | 11 | 12 | 15 | 41 | 51 | -10 | 45 |
| 16 | Nott. Forest | 38 | 11 | 11 | 16 | 48 | 51 | -3 | 44 |
| 17 | Tottenham | 38 | 10 | 11 | 17 | 48 | 57 | -9 | 41 |
| 18 | West Ham | 38 | 10 | 9 | 19 | 46 | 65 | -19 | 39 |
| 19 | Burnley | 38 | 4 | 10 | 24 | 38 | 75 | -37 | 22 |
| 20 | Wolves | 38 | 3 | 11 | 24 | 27 | 68 | -41 | 20 |
