Vinnur Lyon þrettánda leikinn í röð?
Það er nóg um að vera í sterkustu deildum Evrópu í dag og í kvöld þar sem fimmtán leikir eru á dagskrá.
Veislan hefst á Ítalíu þegar Udinese spilar við nýliða Sassuolo í hádegisleiknum, áður en Mikael Egill Ellertsson og félagar í liði Genoa heimsækja nýliða Cremonese í mikilvægum fallbaráttuslag.
Bologna heimsækir svo Torino í síðdeginu fyrir stórleik kvöldsins, þegar Ítalíumeistarar Napoli spila við Roma. Þrjú stig skilja Napoli og Roma að í þriðja og fjórða sætinu í Serie A og er ljóst að lærlingar Antonio Conte þurfa á sigri að halda til að eiga einhverja von um að ná toppliði Inter sem virðist óstöðvandi um þessar mundir.
Þá eru tveir leikir á dagskrá í þýska boltanum þar sem Augsburg og Heidenheim mætast í fallbaráttuslag áður en RB Leipzig fær tækifæri til að stökkva upp í þriðja sæti með sigri á fallbaráttuliði Wolfsburg.
Á Spáni hefur Athletic Bilbao ennþá tækifæri til að blanda sér í evrópubaráttuna þrátt fyrir hörmulegt gengi á fyrri hluta tímabils. Athletic þarf sigur gegn botnliði Real Oviedo í dag.
Atlético Madrid heimsækir svo fallbaráttulið Rayo Vallecano. Lærlingar Diego Simeone sigla þokkalega lygnan sjó ásamt Villarreal í þriðja til fjórða sæti deildarinnar.
Valencia heimsækir svo Levante í fallbaráttunni áður en Mallorca spilar við Real Betis.
Að lokum eru fjórir leikir í franska boltanum. Lyon og Nice eigast við í kvöldleiknum og þar fær Lyon tækifæri til að vinna sinn þrettánda leik í röð í öllum keppnum.
Serie A
11:30 Udinese - Sassuolo
14:00 Cremonese - Genoa
14:00 Parma - Verona
17:00 Torino - Bologna
19:45 Napoli - Roma
Bundesliga
14:30 Augsburg - Heidenheim
16:30 RB Leipzig - Wolfsburg
La Liga
13:00 Real Oviedo - Athletic Bilbao
15:15 Rayo Vallecano - Atletico Madrid
17:30 Levante - Valencia
20:00 Mallorca - Real Betis
Ligue 1
14:00 Le Havre - Toulouse
16:15 Metz - Auxerre
16:15 Lorient - Angers
19:45 Lyon - Nice
Stöðutaflan
Ítalía
Serie A - karlar
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Inter | 30 | 22 | 3 | 5 | 66 | 24 | +42 | 69 |
| 2 | Milan | 30 | 18 | 9 | 3 | 47 | 23 | +24 | 63 |
| 3 | Napoli | 30 | 19 | 5 | 6 | 46 | 30 | +16 | 62 |
| 4 | Como | 30 | 16 | 9 | 5 | 53 | 22 | +31 | 57 |
| 5 | Juventus | 30 | 15 | 9 | 6 | 52 | 29 | +23 | 54 |
| 6 | Roma | 30 | 17 | 3 | 10 | 40 | 23 | +17 | 54 |
| 7 | Atalanta | 30 | 13 | 11 | 6 | 41 | 27 | +14 | 50 |
| 8 | Lazio | 30 | 11 | 10 | 9 | 31 | 28 | +3 | 43 |
| 9 | Bologna | 30 | 12 | 6 | 12 | 38 | 36 | +2 | 42 |
| 10 | Sassuolo | 30 | 11 | 6 | 13 | 36 | 40 | -4 | 39 |
| 11 | Udinese | 30 | 11 | 6 | 13 | 35 | 42 | -7 | 39 |
| 12 | Parma | 30 | 8 | 10 | 12 | 21 | 38 | -17 | 34 |
| 13 | Genoa | 30 | 8 | 9 | 13 | 36 | 42 | -6 | 33 |
| 14 | Torino | 30 | 9 | 6 | 15 | 34 | 53 | -19 | 33 |
| 15 | Cagliari | 30 | 7 | 9 | 14 | 31 | 42 | -11 | 30 |
| 16 | Fiorentina | 30 | 6 | 11 | 13 | 35 | 44 | -9 | 29 |
| 17 | Cremonese | 30 | 6 | 9 | 15 | 25 | 44 | -19 | 27 |
| 18 | Lecce | 30 | 7 | 6 | 17 | 21 | 40 | -19 | 27 |
| 19 | Verona | 30 | 3 | 9 | 18 | 22 | 52 | -30 | 18 |
| 20 | Pisa | 30 | 2 | 12 | 16 | 23 | 54 | -31 | 18 |
