Lyon tók á móti Nice í efstu deild franska boltans í dag og hafði betur eftir nokkuð jafnan slag.
Corentin Tolisso, fyrrum leikmaður FC Bayern, skoraði fyrsta mark leiksins í uppbótartíma fyrri hálfleiks og tvöfaldaði danski kantmaðurinn Noah Nartey forystuna í síðari hálfleik.
Lokatölur urðu 2-0 og var þetta þrettándi sigur Lyon í röð í öllum keppnum. Liðið er í þriðja sæti deildarinnar með 45 stig eftir 22 umferðir, sjö stigum á eftir toppliði Lens.
Auxerre, Lorient og Le Havre unnu einnig leiki sína í dag. Le Havre er núna níu stigum frá fallsvæðinu á meðan Lorient er aðeins þremur stigum frá evrópusæti.
Auxerre situr aftur á móti í fallsæti, með 17 stig eftir 22 umferðir. Liðið er þó í efsta fallsætinu sem veitir umspilsleiki gegn liðinu sem endar í þriðja sæti næstefstu deildar - líkt og tíðkast í þýska boltanum.
Lyon 2 - 0 Nice
1-0 Corentin Tolisso ('45+1)
2-0 Noah Nartey ('64)
Metz 1 - 3 Auxerre
Lorient 2 - 0 Angers
Le Havre 2 - 1 Toulouse
Athugasemdir
