Lið vikunnar í enska - Tonali gaf tóninn

Markvörður: Bernd Leno (Fulham) - Everton fékk fjölda færa gegn Fulham en það var Lundúnaliðið sem vann 1-0 útisigur, Bernd Leno var í stuði í rammanum.

Varnarmaður: Joachim Andersen (Crystal Palace) - Daninn var öflugur í vörn Palace sem vann Sheffield United 1-0.

Varnarmaður: Virgil van Dijk (Liverpool) - Fyrirliði Liverpool var yfirvegaður í öftustu línu í 1-1 jafntefli gegn Chelsea.

Varnarmaður: Thiago Silva (Chelsea) - Er að verða 39 ára en heldur áfram að vera framúrskarandi. Frábær íþróttamaður og leiðtogi.

Miðjumaður: Bukayo Saka (Arsenal) - Skoraði frábært mark og var í raun eini leikmaður Arsenal sem sýndi stöðugleika í 2-1 sigrinum gegn Nottingham Forest.

Miðjumaður: Sandro Tonali (Newcastle) - Gjörsamlega geggjaður í sínum fyrsta leik í úrvalsdeildinni. Ítalski miðjumaðurinn skoraði og var út um allan völl þegar Newcastle vann Aston Villa 5-1.

Miðjumaður: Mario Lemina (Wolves) - Úlfarnir voru mun betri á Old Trafford en töpuðu samt 1-0. Hefðu átt að fá vítaspyrnu í uppbótartíma en dómararnir brugðust.

Sóknarmaður: Alexander Isak (Newcastle) - Draumabyrjun á tímabili Newcastle og Isak með tvö mörk í fyrstu umferð.

Sóknarmaður: Erling Haaland (Manchester City) - 3-0 sigur gegn Burnley og Haaland með tvö. Man City byrjar nýtt tímabil í sama takti og þeir kláruðu það síðasta.

Sóknarmaður: Jarrod Bowen (West Ham) - Skoraði frábært mark í 1-1 jafntefli gegn Bournemouth.