ÍR 2 - 4 ÍA (í dag 16:30)
Ef að Gústi félagi minn er í hóp þá gæti ég mögulega þurft að breyta þessari spá. Hann er ótrúlegur leikmaður og hefur gefið efasemdarmönnum langt nef alla leiktíðina. Arnar Halls drillar sína menn í 2-0 forystu en Skaginn hrekkur í gang í seinni. Ísak Snær með 2, eitt af 30 metrunum í vinkilinn.

Vestri 2 - 2 Valur, 2-4 í framlengingu (í dag 16:30)
Þessi leikur fer í framlengingu. Sammi, sem er auðvitað geitin í þessum bransa, hefur gefið sínum mönnum vel af fisk fyrir leikinn og það verður kraftur í þeim í 90 mín. Nikolaj Madsen setur eitt og Pétur Bjarna annað en PP hrekkur í gang fyrir Valsara og skorar öll 4 mörk þeirra.

Fylkir 0 - 2 Víkingur (í kvöld 19:15)
Sem stendur er Vikes bara talsvert betra lið. Fylkir þarf meira á því að halda að halda sér í Pepsi en ef einhver óvænt úrslit verða í kvöld þá verða þau á Wurtharanum(tvítryggingin góða)

HK 2 - 0 Keflavík (í kvöld 19:15)
HK-ingar mæta og sýna djörfung og dug eins og segir í laginu góða. Aukaspyrnu Ívar verður með sýningu af þeim gamla og klárar dæmið. Hugsa að HK fari alla leið í úrslitin.