Hafliði Breiðfjörð
Úr leik Stjörnunnar og Fylkis í gær.
Íslenski fótboltinn er byrjaður að nýju eftir langa seinkun vegna heimsfaraldursins og áhuginn er gríðarlegur á öllum deildum og keppnum.
Fótbolti.net er með lang mestu umfjöllun allra fjölmiðla um allar deildir karla og kvenna í íslenska fótboltanum og þegar tekin er saman tölfræði um hvað við gerðum nýliðna helgi og í gær er listinn svona:
- 70 myndbands viðtöl
- 22 textalýsingar
- 19 myndaveislur
- 2 podcastþættir
- 1 útvarpsþáttur
- Draumaliðsleikir karla og kvenna
Það hafa verið erfiðir tímar og við höfum séð stór skörð hoggin í íþróttafréttamennsku á Íslandi á nýliðnum vetri þar sem margreyndir íþróttafréttamenn misstu starfið sitt á öðrum miðlum.
Fótbolti.net hefur sagst ætla að standa vörð um umfjöllun um fótbolta og við höfum alltaf sagt að við ætluðum að bæta í frekar en draga saman eða standa í stað. Okkur var full alvara með þeim orðum og sýndum um helgina hvað koma skal.
Enski boltinn hefst svo að nýju á morgun og þar ætlum við okkur áfram að vera fremst í umfjöllun.
Þetta gerist samt ekki sjálkrafa og ég vil halda áfram að leita til lesenda um að styrkja okkur um fasta upphæð á mánuði. Þetta gætir þú litið á sem áskriftargjald til að tryggja áfram góða umfjöllun en vefurinn verður samt áfram opinn öllum.
Með því að smella hér að neðan ferð þú á styrktarsíðuna okkar þar sem þú getur valið upphæð til að styrkja okkur um mánaðarlega. Ég hvet ykkur öll til að taka þátt.
Fara á stuðningssíðuna.
Takk fyrir okkur og gleðilegt fótboltasumar.
Athugasemdir
