Íslandsmeistarar Breiðabliks mæta tékknesku meisturunum Sparta Prag í 32-liða úrslitum Meistaradeildar kvenna en dregið var nú rétt í þessu.
Breiðablik vann undanriðil sinn á dögunum og komst þannig áfram í 32-liða úrslit.
Sparta Prag hefur unnið tékknesku deildina þrjú ár í röð en liðið datt út í 32-liða úrslitum Meistaradeildarinnar gegn Ajax í fyrra.
Leikirnir fara fram 11 eða 12. september og 25 eða 26. september.
Breiðablik er í harðri baráttu við Val um Íslandsmeistaratitilinn en þau lið mætast í næstsíðustu umferðinni þann 15. september.
Sara Björk Gunnarsdóttir og félagar í Wolfsburg mæta Mitrovica frá Kósóvó í 32-liða úrslitunum.
Athugasemdir