Lars Lagerback verður með íslenska landsliðinu í komandi landsliðsverkefni.
Lars kom nýverið inn í starfsteymið með Arnari Þór Viðarssyni og Eiði Smára Guðjohnsen.
Hann verður í kringum liðið í leikjunum gegn Þýskalandi og Liechtenstein í undankeppni HM, en ekki í leiknum gegn Armeníu.
„Lars kemur til Þýskalands og síðan skoðum við stöðuna og hvernig málin standa í Armeníu. Hvort hann fer með til Armeníu er ekki alveg ljóst. Lars vill ekki taka neinar áhættur og við skiljum það vel. Lars mun hitta okkur í Þýskalandi á föstudaginn þar sem við vinnum undirbúningsvinnu," sagði Arnar Þór á blaðamannafundi í dag en það er óvíst hvort hann fari til Armeníu út af ferðalaginu þangað.
Lagerback er 72 ára en hann naut mikillar velgengni sem landsliðsþjálfari Íslands 2011-2016. Hann stýrði svo Noregi 2017-2020.
Leikir Íslands í mars
Þýskaland - Ísland fimmtudaginn 25. mars á Schauinsland-Reisen Arena í Duisburg og hefst leikurinn kl. 19:45.
Armenía - Ísland sunnudaginn 28. mars á Vazgen Sargsyan Republican Stadium í Yerevan og hefst leikurinn kl. 16:00.
Liechtenstein - Ísland miðvikudaginn 31. mars á Rheinpark og hefst leikurinn kl. 18:45.
Athugasemdir