Valur segir Tryggva Hrafn alls ekki til sölu

„Það eru ekki allir sem vita það en Tryggvi spilaði ristarbrotinn á síðasta tímabili og fór svo í aðgerð strax eftir tímabil. Hann er að koma til baka og er búinn að vera duglegur að æfa í vetur. Tryggvi er einn allra öflugasti leikmaður deildarinnar og við erum alls ekki að fara að selja hann. Hann á tvö ár eftir af samningi hjá okkur og við lítum á hann sem einn af okkar lykilmönnum.“

Kristján Óli Sigurðsson í Þungavigtinni talaði um að Skagamenn hefðu boðið metfé í Tryggva en Björn segir tilboðið langt frá því að geta flokkast sem svo.

„Þetta var nú ekki merkilegt tilboð í leikmann sem býr yfir þeim gæðum sem Tryggvi hefur.“

Björn segir Valsliðið nýkomið heim úr æfingaferð frá Spáni þar sem nýi leikmaðurinn Marius Lundemo bættist við hópinn. Næst á dagskrá er undanúrslitaleikur gegn ÍR í Lengjubikarnum annað kvöld.

„Það er frábær stemmning í hópnum og við höfum fengið flottar styrkingar í vetur. Þeir sem hafa verið frá eru að koma til baka og nú tekur við undanúrslit í Lengjubikarnum gegn flottu liði ÍR á N1-vellinum á þriðjudagskvöld. Við hvetjum alla til þess að mæta og eins og alltaf munum við taka sérstaklega vel á móti öllum ÍR-ingum.“