Xhaka gagnrýndi liðsfélaga sína harkalega eftir leikinn og sagði að menn væru ekki að höndla pressu og færu ekki eftir fyrirmælum þjálfarans.

Gary Neville telur að Xhaka hafi þarna verið að láta yngri leikmenn liðsins heyra það.

„Hann er að hrauna yfir menn sem deila með honum búningsklefa. Ég veit ekki að hverjum hann beinir þessum orðum en ég vona að það sé ekki að yngri leikmönnum... hann af öllum. Hann hefur verið til skammar nokkrum sinnum á síðustu árum og fengið rauð spjöld að óþörfu," segir Neville.

„Hann segir leikmenn ekki hlusta á leiðbeiningar Mikel Arteta. Þetta er mjög furðulegt viðtal frá Granit Xhaka."

Ian Wright tekur undir þessi ummæli Neville.

„Að segja þetta á þessum tímapunkti hjálpar ekki neinum. Hann er mjög hreinskilinn en þetta eru orð sem þú vilt að séu í klefanum svo leikmenn skilji hvað þeir þurfi að gera fyrir leik. En að segja þetta í viðtali hjálpar engum," segir Wright.