Hammed Obafemi Lawal er búinn að skrifa undir nýjan samning við Víði í Garði og mun því leika fyrir félagið þriðja árið í röð.
Hammed er 26 ára gamall og leikur ýmist sem vinstri bakvörður eða kantmaður.
Hann á yfir 100 keppnisleiki að baki hér á landi þar sem hann var leikmaður Vestra áður en hann skipti yfir í Garð.
Hann er mikilvægur hlekkur í liði Víðis og spilaði 18 deildarleiki af 22 er Víðismenn enduðu í fjórða sæti 3. deildar í sumar.
„Við erum virkilega ánægð með að halda honum innan okkar raða og erum spennt fyrir komandi tímabili," segir í yfirlýsingu frá Víði.
Athugasemdir
