Hún skrifar undir tveggja ára samning við Vålerenga og segir: „Mér líst vel á metnað félagsins og ég vil hjálpa til við að taka næsta skref."

Ingibjörg er 22 ára gömul og uppalin í Grindavík. Hún fór í Breiðablik 2012 þar sem hún þróaði leik sinn áður en hún hélt í atvinnumennsku, til Svíþjóðar.

Hún samdi við Djurgården í desember 2017 og hjálpaði hún liðinu að forðast fall á síðustu leiktíð.

Ingibjörg æfði með Vålerenga áður en hún fór til Djurgården árið 2017. Núna er hún búin að semja við Vålerenga, sem hafnaði í öðru sæti norsku úrvalsdeildarinnar á síðustu leiktíð.

Ingibjörg er miðvörður sem getur einnig leikið sem bakvörður. Hún á að baki 27 A-landsleiki.

Keppni í norsku úrvalsdeildinni hefst eftir mánuð.