Það er ekki hægt að segja að íþróttavöruframleiðandinn Puma hafi fengið góðar viðtökur við knattspyrnutreyjum sem félagið hefur gefið út hjá ýmsum félögum.
Í nýrri línu Puma er merki félaga ekki á treyjum þeirra. Puma er að prófa þessa nýjung núna til dæmis í þriðja búningi Manchester City sem má sjá myndir af neðst í fréttinni.
Tyrkneska félagið Fenerbahce spilaði í þriðja búningi sínum gegn HJK frá Finnlandi í forkeppni Evrópudeildarinnar. Þriðji búningurinn er úr nýrri línu Puma.
Það átti sér skondið atvik þegar varamaðurinn Muhammed Gumuskaya skoraði. Hann ætlaði að fagna með því að kyssa merkið á búningnum en tókst ekki ætlunarverk sitt, því þar var ekkert merki. Hann var alveg furðulostinn.
Þessir nýju Puma búningar hafa ekki verið að fá sérlega góða dóma. Borussia Dortmund ákvað að afneita hugmyndinni að þriðja búningnum frá Puma eftir hörð viðbrögð stuðningsmanna.
Hér að neðan má sjá myndbandið frá því í kvöld og myndir búningi Man City.
Íslensku landsliðin spila í búningum frá Puma.
— Out Of Context Football (@nocontextfooty) August 19, 2021
OFFICIAL: Manchester City have released their new third kit for the 2021/22 season.
— Squawka News (@SquawkaNews) August 18, 2021
Thoughts? pic.twitter.com/U7fryYx7Kd
Athugasemdir