Félagið hefur einnig fengið skilorðsbundinn dóm um að missa fjögur stig til viðbótar ef ástandið batnar ekki.

Macclesfield játaði sök í mörgum ákæruliðum, þar á meðal að hafa ekki borgað laun. Það þurfti að fresta leik hjá Macclesfield gegn Crewe, sem átti að fara fram 7. desember, eftir að leikmenn neituðu að spila vegna ógreiddra launa.

Leikmenn hafa síðan þá fengið borgað, en Macclesfield er eftr stigamissinn í 22. sæti með 18 stig. Félagið hefur rétt á að áfrýja.

Sol Campbell og Hermann Hreiðarsson þjálfuðu Macclesfield um skeið, en þeir hættu fyrr á þessari leiktíð vegna fjárhagsvandræða og svikinna loforða.

Talið er að félagið skuldi Campbell meira en 180 þúsund pund.

Amar Alkadhi, eigandi Macclesfield, er að reyna að selja félagið og vonast stuðningsmenn að það gerist sem fyrst.