Leik Tindastóls og FH sem átti að fara fram í 1. umferð Bestu deildar kvenna á Sauðárkróksvelli á morgun hefur verið frestað vegna vallaraðstæðna.
Besta deild kvenna hefst á morgun og áttu upphaflega tveir leikir að fara fram.
Valur spilar við Þór/KA og þá átti Tindastóll að mæta FH á Sauðárkróki.
Tindastóll hefur hins vegar staðfest að leikurinn við FH fer ekki fram á morgun vegna aðstæðna á vellinum.
„Leik morgundagsins hefur verið frestað vegna aðstæðna á vellinum. Nýr leiktími liggur ekki fyrir,“ segir í tilkynningu Tindastóls.
Athugasemdir
