„Ég mun ekki spila um helgina. Ég veit ekki einu sinni við hverja Everton er að fara að spila, getið þið sagt mér það?" sagði James þegar hann spjallaði við stuðningsmenn í gegnum streymi á Instagram.

„Ég held að það sé útileikur því við byrjuðum heima. Aaaa... gegn Leeds á útivelli. Erfiður leikur gegn Bielsa."

Hann var spurður út í sína framtíð.

„Ég veit ekki hvað mun gerast. Ég hreinlega veit ekki hvar ég mun spila. Í fótboltanum og lífinu þá veit maður ekkert hvað mun gerast ég hef verið að æfa mikið pg undirbúa mig vel."

Lítil ánægja er skiljanlega meðal stuðningsmanna Everton með ummæli James.

Rafa Benítez stjóri Everton var spurður á fréttamannafundi í dag hvort James Rodriguez sé í hans áætlunum. „Til 31. ágúst er hann í mínum áætlunum," svaraði Benítez en félagaskiptaglugganum verður lokað um mánaðamótin.

Leeds og Everton mætast klukkan 14:00 á morgun.