Albert Guðmundsson er gríðarlega eftirsóttur en ítalskir fjölmiðlar greina frá því að Juventus hafi mikinn áhuga á honum.
Albert leikur með Genoa þar sem hann hefur farið á kostum á tímabilinu en mörg stórlið bæði á Ítalíu og á Englandi hafa sýnt honum áhuga.
Ítalskir fjölmiðlar greina frá því að Juventus sé tilbúið að bjóða Genoa miðvörðinn Enzo Barrenechea í skiptum fyrir Albert auk þess að borga með honum en Albert er metinn á 30 milljónir evra.
Enzo er 22 ára gamall Argentínumaður sem getur einnig leyst stöðu varnarsinnaðs miðjumanns en hann er á láni hjá Frosinone á þessari leiktíð.
Genoa missti sterkan miðvörð í janúar þegar Radu Dragusin gekk til liðs við Tottenham.
Athugasemdir
