Heimild: mbl.is
Hólmbert verður að öllum líkindum áfram í bláu
Framherjinn Hólmbert Aron Friðjónsson mun að öllum líkindum spila áfram hjá Stjörnunni á næsta leiktímabili í Pepsi-deild karla. Stjarnan hefur ákveðið að nýta sér forkaupsrétt á Hólmberti.
Hólmbert gekk í raðir Stjörnunnar frá KR í byrjun ágúst. Um lánssamning var að ræða, en þó voru ákvæði í samningnum á milli félaganna að Stjarnan hefði forkaupsrétt á leikmanninum.
Hólmbert gekk í raðir Stjörnunnar frá KR í byrjun ágúst. Um lánssamning var að ræða, en þó voru ákvæði í samningnum á milli félaganna að Stjarnan hefði forkaupsrétt á leikmanninum.
Stjarnan ákvað að nýta sér þennan forkaupsrétt, en þeir gerðu það einum degi áður en hann átti að renna út. Nú á Hólmbert aðeins eftir að skrifa undir samning við Stjörnuna.
„Stjörnumenn ákváðu að nýta sér forkaupsréttinn á Hólmberti. Þeir áttu að tilkynna okkur það fyrir 15. október og þeir gerðu þann 14. október svo hann er kominn í Stjörnuna," sagði Kristinn Kærnested, formaður knattspyrnudeildar KR, í samtali við mbl.is í dag.
Hólmbert lék 10 leiki með KR-ingum í Pepsi-deildinni á nýafstaðinni leiktíð, en náði ekki að skora mark fyrir Vesturbæjarliðið. Hann skipti svo yfir í Stjörnuna og skoraði tvö mörk í níu leikjum sem komu bæði í leiknum gegn Íslandsmeisturum FH í Kaplakrika.
Athugasemdir
