Messi er orðinn 33 ára gamall og hann gæti yfirgefið Barcelona næsta sumar þegar samningur hans við félagið rennur út. Hann vildi fara í sumar en fékk ekki ósk sína uppfyllta.

Messi er besti leikmaður í sögu Barcelona og það verður gríðarlega erfitt fyrir félagið að fá einhvern sem gæti fyllt í skarð hans að einhverju leyti. Uppástunga Eto'o er Moukoko, sem er aðeins 15 ára gamall.

„Hann er 15 ára og hann er næsti toppleikmaðurinn, að mínu mati, á eftir Messi," sagði Eto'o við Goal.

„Eftir því sem Messi verður eldri, þá er gott að byrja að undirbúa framtíð Barcelona."

Moukoko er undrabarn í orðsins fyllstu merkingu. Hann er aðeins 15 ára gamall og hefur slegið hvert metið á fætur öðru með unglingaliðum Dortmund. Hann verður 16 ára í nóvember og getur hann þá byrjað að spila með aðalliði Dortmund.

Youssoufa Moukoko er eflaust nafn sem að fótboltaunnendur munu heyra og segja mikið í framtíðinni.