David Brooks leikmaður Bournemouth spilaði annan leik sinn í búningi Bournemouth á þessu tímabili í gær. Hann skoraði þrennu fyrir uppbyggingarlið félagsins.
Liðið keppir í Hampshire Senior Cup en liðið mætti Portsmouth í gær. Leiknum lauk með 5-2 sigri Bournemouth en Brooks skoraði þrennuna í fyrri hálfleik.
Hann var í fyrsta sinn í leikmannahópi Bournemouth gegn Liverpool á dögunum eftir að hafa sigrast á krabbameini og lék rúmar 10 mínútur í leik gegn Aston Villa um síðustu helgi.
Uppbyggingarlið Bournemouth er, eins og nafnið gefur til kynna aðallega nýtt í að byggja upp yngri leikmenn. Liðið mætti Portsmouth sem tefldi fram sjö leikmönnum úr aðalliðinu.
Liðið tryggði sér sæti í undanúrslitum með sigrinum.
Athugasemdir