Pep Guardiola. stjóri Man City, hefur verið í leit að vinstri bakverði í dágóðan tíma, en hann var ekki með hreinræktaðan mann í stöðuna síðan Benjamin Mendy fór á bakvið lás og slá.

Hann gat notað Oleksandr Zinchenko og Joao Cancelo í þessari stöðu en það er hins vegar ekki náttúruleg staða þeirra.

Félagið hefur sýnt spænska bakverðinum Marc Cucurella mikinn áhuga síðustu vikur og nú segir O'Rourke frá því að félagið hafi náð samkomulagi við Cucurella um kaup og kjör.

Man City og Brighton eru þá nálægt því að ná samkomulagi um kaupverð og búist við að það verði frágengið á allra næstu dögum.

Cucurella, sem er 23 ára, var magnaður með Brighton á síðustu leiktíð og á eftir að smellpassa inn í kerfi Guardiola.