Zidane hefur augastað á Man Utd - Guimaraes áfram hjá Newcastle - Bayern hefur ekki rætt við Rangnick
   fös 23. febrúar 2024 05:55
Ívan Guðjón Baldursson
Ítalía um helgina - Innbyrðisviðureignir í Evrópubaráttunni
Mynd: EPA
Mynd: EPA
Mynd: Getty Images
26. umferð ítalska deildartímabilsins fer af stað í kvöld, þegar Bologna fær tækifæri til að sigra fimmta deildarleikinn sinn í röð og koma sér þar með í meistaradeildarsæti.

Bologna tekur á móti fallbaráttuliði Verona í kvöld og svo eru þrír leikir á dagskrá á morgun. Albert Guðmundsson og félagar í Genoa mæta til leiks annað kvöld þegar þeir spila við Udinese, en sjö stig skilja liðin að í neðri hluta deildarinnar.

Genoa er í fínum málum með 30 stig, ellefu stigum frá Evrópusæti og tíu stigum fyrir ofan fallsæti, á meðan Udinese er aðeins með 23 stig.

Juventus tekur svo á móti nýliðum Frosinone í hádegisleiknum á sunnudaginn, en lærisveinar Max Allegri hafa aðeins nælt sér í tvö stig úr síðustu fjórum deildarleikjum og eru svo gott sem búnir að tapa titilbaráttunni gegn Inter sem virðist vera óstöðvandi um þessar mundir. Frosinone er búið að tapa þremur í röð og gæti þetta því verið kjörið tækifæri fyrir Juve til að koma sér aftur á strik.

Ríkjandi Ítalíumeistarar Napoli heimsækja þá fallbaráttulið Cagliari, sem er aðeins með 19 stig eftir 25 umferðir undir stjórn Claudio Ranieri, áður en verðandi Ítalíumeistarar Inter kíkja í heimsókn til fallbaráttuliðs Lecce.

AC Milan og Atalanta eigast svo við í spennandi nágrannaslag að sunnudagskvöldi, þar sem sjö stig skilja liðin að í meistaradeildarbaráttunni.

Mánudagskvöldið er gríðarlega spennandi þar sem tveir Evrópuslagir eru á dagskrá. Roma á heimaleik gegn Torino klukkan 17:30, áður en Fiorentina tekur á móti Lazio. Liðin fá að spila á mánudegi eftir Evrópuleikina sem áttu sér stað í vikunni.

Roma er í Evrópusæti með 41 stig, en þar á eftir koma Lazio, Fiorentina og Torino.

Föstudagur:
19:45 Bologna - Verona

Laugardagur:
14:00 Sassuolo - Empoli
17:00 Salernitana - Monza
19:45 Genoa - Udinese

Sunnudagur:
11:30 Juventus - Frosinone
14:00 Cagliari - Napoli
17:00 Lecce - Inter
19:45 Milan - Atalanta

Mánudagur:
17:30 Roma - Torino
19:45 Fiorentina - Lazio
Stöðutaflan Ítalía Serie A - karlar
  L U J T ms: mf: mun Stig
1 Inter 32 26 5 1 77 17 +60 83
2 Milan 32 21 6 5 63 37 +26 69
3 Juventus 33 18 10 5 47 26 +21 64
4 Bologna 32 16 11 5 45 25 +20 59
5 Roma 31 16 7 8 56 35 +21 55
6 Lazio 33 16 4 13 42 35 +7 52
7 Atalanta 31 15 6 10 57 36 +21 51
8 Napoli 33 13 10 10 50 41 +9 49
9 Torino 32 11 12 9 31 29 +2 45
10 Fiorentina 31 12 8 11 43 36 +7 44
11 Monza 32 11 10 11 34 41 -7 43
12 Genoa 33 9 12 12 35 40 -5 39
13 Cagliari 33 7 11 15 36 56 -20 32
14 Lecce 32 7 11 14 27 48 -21 32
15 Empoli 33 8 7 18 26 48 -22 31
16 Verona 32 6 10 16 30 44 -14 28
17 Udinese 31 4 16 11 30 47 -17 28
18 Frosinone 32 6 9 17 40 63 -23 27
19 Sassuolo 32 6 8 18 39 62 -23 26
20 Salernitana 32 2 9 21 26 68 -42 15
Athugasemdir
banner
banner