Björgvin Brimi Andrésson (2008) meiddist skömmu eftir komu sína til Gróttu en þar er hann á láni frá Víkingi. Óttast var um að hann hefði orðið fyrir alvarlegum hnémeiðslum, en svo reyndist ekki vera.
Eftir myndatöku og skoðun kom í ljós að hann hefði tognað á liðbandi en bæði liðþófi og krossband eru í lagi.
Eftir myndatöku og skoðun kom í ljós að hann hefði tognað á liðbandi en bæði liðþófi og krossband eru í lagi.
Hann mun ekki spila á móti Völsungi á föstudaginn í Lengjubikarnum en Gróttumenn vonast til þess að hann verði orðinn góður þegar liðið fer í æfingaferð um miðjan mars.
Grótta endaði í 2. sæti 2. deildar í fyrra og verður í Lengjudeildinni í sumar. Björgvin Brimi var valinn efnilegasti leikmaður 2. deildar á síðasta tímabili sem leikmaður Gróttu, í vetur samdi hann svo við Víking og var lánaður til baka til Gróttu fyrr í þessum mánuði.
Athugasemdir
