Verratti var keyptur til félagsins fyrir 45 milljónir evra eftir að hafa eytt síðustu ellefu árum í Frakklandi.

Ítalinn var í byrjunarliði Al-Arabi í 1-0 tapi gegn Al Rayyan í stjörnudeildinni í Katar og fékk þokkalegt högg í leiknum er varnarmaður Al Rayyan sparkaði í andlit hans.

Íslenski landsliðsfyrirliðinn Aron Einar Gunnarsson var fjarri góðu gamni, en hann hefur ekkert spilað með liðinu á leiktíðinni og var þá ekki með í síðasta landsliðsverkefni.

Al Arabi er í 7. sæti deildarinnar með aðeins 3 stig eftir fyrstu fjóra leikina.