Lið vikunnar í enska - Átján ára á miðjunni

Markvörður: Andre Onana (Manchester United) - Bjargaði stigi fyrir United í leik sem liðið hefði líklega átt að vinna. Átti tvöfalda markvörslu sem var engu síðri en varsla Raya í Meistaradeildinni.

Varnarmaður: Trent Alexander-Arnold (Liverpool) - Átti virkilega góðan leik gegn Bournemouth, bæði varnarlega og sóknarlega. Flott stoðsending.

Varnarmaður: Ezri Konsa (Aston Villa) - Er að verða einn besti varnarmaður Englands. Var meðal markaskorara í 3-1 sigri gegn Wolves.

Varnarmaður: Gabriel (Arsenal) - Það búast allir við marki frá honum ef Arsenal fær fast leikatriði! Skoraði gegn City.

Varnarmaður: Riccardo Calafiori (Arsenal) - Bras í byrjun en óx hratt inn í leikinn og skoraði flott mark. Sýndi mikinn leikskilning þegar Arsenal var að verjast manni færri.

Miðjumaður: Sam Morsy (Ipswich) - Er farinn að venjast tempóinu í úrvalsdeildinni betur og var ofboðslega góður varnarlega í 1-1 jafntefli gegn Southampton.

Miðjumaður: Tyler Dibling (Southampton) - Þessi átján ára miðjumaður skoraði sitt fyrsta mark. Leið vel á vellinum en hann getur skilað öllum hlutverkum sem til þarf á miðsvæðinu.

Miðjumaður: James Maddison (Tottenham) - Tók lyklana í sínar hendur og sýndi sköpunarmátt sinn gegn Brentford. Innsiglaði sigurinn sjálfur með marki.

Sóknarmaður: Luis Díaz (Liverpool) - Langbesti maðurinn á vellinum og skoraði tvívegis í 3-0 sigrinum gegn Bournemouth.

Sóknarmaður: Nicolas Jackson (Chelsea) - Tvö mörk og stoðsending í 3-0 sigri gegn West Ham. Chelsea þarf ekki að kaupa annan sóknarmann ef hann heldur áfram á þessu flugi.

Sóknarmaður: Iliman Ndiaye (Everton) - Hefur verið ljósið í myrkrinu hjá Everton og skoraði mark liðsins í 1-1 jafntefli gegn Leicester. Kom til félagsins frá Marseille í sumar.

Stjórinn: Mikel Arteta (Arsenal) - Líður væntanlega eins og hann hafi tapað leiknum en taktískt var hann með allt á hreinu í þessum leik. Allt fram á 98. mínútu virtist hann hafa teiknað upp hina fullkomnu áætlun.