Kairo Asa Jacob Edwards-John er genginn til liðs við Þrótt R. eftir að hafa verið meðal bestu leikmanna Magna í Lengjudeildinni í fyrra.
Kairo, fæddur 1999, skoraði 6 mörk í 20 leikjum er Magni féll úr deildinni. Hann þótti öflugur í Lengjudeildinni og verður áhugavert að sjá hvernig honum tekst að fóta sig í Laugardalnum.
Það vekur athygli að það var Kairo sjálfur sem bjargaði sínu nýja félagi, Þrótti R., frá falli í fyrra.
Magni var að spila grannaslag við Þór í síðustu umferð tímabilsins áður en hætt var við mót vegna Covid-19. Þór var einu marki yfir í uppbótartíma þegar Magni fékk dæmda vítaspyrnu og steig Kairo á punktinn.
Kairo brenndi af spyrnunni og reyndist það ansi dýrkeypt, þar sem Grenvíkingar féllu úr Lengjudeildinni á markatölu. Þróttur R. bjargaði sér því frá falli þökk sé vítaklúðri Kairo.
Athugasemdir