Man Utd tilbúið að lána Ronaldo ef hann framlengir samning sinn

Ronaldo hefur ekkert æft með United á undirbúningstímabilinu og ferðaðist ekki með liðinu í æfingabúðir til Taílands og Ástralíu.

Hann hefur sagt félaginu að hann vilji fara í þessum glugga og halda áfram að spila í Meistaradeild Evrópu.

United hefur til þess ekki viljað uppfylla ósk hans og segir Erik ten Hag, stjóri félagsins, að hann sé ekki til sölu.

Mirror segir að United sé opið fyrir því að leyfa honum að fara á láni í eitt tímabil til að hann geti spilað í Meistaradeildinni, en með því skilyrði að hann framlengi samning sinn til 2024.

Stefna United er að komast aftur í Meistaradeildina á næsta ári og yrði Ronaldo þá í plönum Ten Hag.

Núverandi samningur gildir til næsta árs en félagið á möguleika á að framlengja þann samning um ár til viðbótar.

Atlético Madríd er sagt hafa mikinn áhuga á að fá Ronaldo en fyrst þarf félagið að losa sig við franska sóknarmanninn Antoine Griezmann.