Fjórða umferðin í riðlakeppni Meistaradeildar Evrópu hefst í kvöld en það er mikil spenna framundan í öllum riðlunum.
Í F-riðlinum er staðan mjög svo jöfn. Borussia Dortmund er á toppnum með 6 stig á meðan Lazio er í öðru með 5 stig. Club Brugge hefur komið á óvart og er með 2 stig á meðan Zenit er með eitt stig á botninum.
Dortmund mætir Brugge á meðan Lazio fær Zenit í heimsókn til Róm. Í E-riðlinum er Chelsea og Sevilla að stinga af. Rennes fær tækifæri til að skerast inn í leikinn í kvöld er liðið tekur á móti Frank Lampard og félögum á meðan Krasnodar spilar við Sevilla.
Barcelona er búið að vinna alla leiki sína í G-riðlinum en liðið mætir Dynamo Kiev í kvöld. Juventus, sem er með 6 stig í öðru sæti, spilar við Ferencvaros frá Ungverjalandi.
H-riðill er þá orðinn ansi áhugaverður. Man Utd og Leipzig eru bæði með 6 stig á meðan Paris Saint-Germain og Istanbul Basaksehir eru með 3 stig. United tapaði fyrir Basaksehir í síðasta leik en tyrkneska liðið heimsækir United á Old Trafford í kvöld á meðan PSG fær Leipzig í heimsókn.
Leikir dagsins:
F-riðill
20:00 Lazio - Zenit
20:00 Dortmund - Club Brugge
E-riðill
17:55 Rennes - Chelsea
17:55 FK Krasnodar - Sevilla
G-riðill
20:00 Juventus - Ferencvaros
20:00 Dynamo K. - Barcelona
H-riðill
20:00 Man Utd - Istanbul Basaksehir
20:00 PSG - RB Leipzig
Athugasemdir