![Icelandair](/images/icelandair2_150x150px.png)
Ólíklegt er að Hörður Björgvin Magnússon, Jón Daði Böðvarsson og Kolbeinn Sigþórsson verði með íslenska landsliðinu í vináttuleiknum gegn Perú á þriðjudaginn.
Íslenska landsliðið æfði í San Francisco í gær áður en liðið kom til New York seint í gærkvöldi fyrir leikinn gegn Perú. Leikmenn fengu síðan frí á æfingu í dag.
Hörður, Jón Daði og Kolbeinn voru allir fjarri góðu gamni í leiknum gegn Mexíkó í fyrranótt og þeir verða líklega ekki með gegn Perú.
Íslenska landsliðið æfði í San Francisco í gær áður en liðið kom til New York seint í gærkvöldi fyrir leikinn gegn Perú. Leikmenn fengu síðan frí á æfingu í dag.
Hörður, Jón Daði og Kolbeinn voru allir fjarri góðu gamni í leiknum gegn Mexíkó í fyrranótt og þeir verða líklega ekki með gegn Perú.
„Þeir sem voru meiddir eru meiddir og verða líklegast ekki með. Við sjáum það á æfingunni á morgun. Við tókum því rólega í dag og vonumst til að sjá á morgun hverjir geta verið með," sagði Helgi Kolviðsson, aðstoðarlandsliðsþjálfari, við Fótbolta.net í dag.
Að auki urðu tveir leikmenn fyrir meiðslum í leiknum gegn Mexíkó en líklegt er að þeir verði þó klárir fyrir leikinn við Perú.
„Theodór Elmar (Bjarnason) og Rúrik (Gíslason) fengu högg í leiknum en ég reikna með að það verði ekki vandræði. Þeir hafa getað nýtt tímann í dag með sjúkraþjálfurunum."
Aron Einar Gunnarsson, fyrirliði, er á leið aftur til Cardiff en hann atti einungis að vera með í fyrri leiknum við Wales. Sömu sögu er að segja af Alberti Guðmundssyni og Samúel Kára Friðjónssyni sem eru farnir í leik með U21 árs landsliðinu gegn Norður-Írlandi.
Athugasemdir