ÍH tók á móti Sindra í fyrri leik dagsins í 2. deild kvenna og uppskar ótrúlegan stórsigur þar sem Hildur Katrín Snorradóttir var atkvæðamest með fimm mörk skoruð.

Birta Árnadóttir skoraði þrennu og þá gerðu Hrönn Haraldsdóttir, Margrét Helga Ólafsdóttir og Ingibjörg Magnúsdóttir sitthvora tvennuna.

Hafrún Birna Helgadóttir skoraði fyrsta mark leiksins og reyndist það eina markið hennar í þessum risastóra sigri.

ÍH leiddi 4-0 í leikhlé og tókst að skora ellefu mörk í síðari hálfleik.

ÍH trónir á toppi 2. deildar með fullt hús stiga eftir þrjár umferðir og markatöluna 27-1. Sindri er með þrjú stig.