KSÍ, knattspyrnusamband Íslands, hefur minnst Diego Maradona á samfélagsmiðlum.
Argentíska goðsögnin Maradona lést í kvöld, sextugur að aldri. Argentískir fjölmiðlar segja að Maradona hafi fengið hjartaáfall á heimili sínu.
KSÍ birtir flotta mynd á samfélagsmiðlinum Twitter af Maradona og Ásgeiri Sigurvinssyni þegar þeir áttust við í leik Napoli og Stuttgart.
Þessi tvö lið áttust við í úrslitaeinvígi Evrópubikarsins (það sem nú er Evrópudeildin) 1989. Maradona skoraði í vítaspyrnu í fyrri leiknum sem endaði 2-1 fyrir Napoli. Seinni leikurinn endaði með 3-3 jafntefli. Maradona spilaði í báðum leikjunum fyrir Napoli og Ásgeir í báðum leikjunum fyrir Stuttgart.
Evrópubikarinn 1989 er eini Evróputitill sem Napoli hefur unnið. Félagið vann einnig sína einu Ítalíumeistaratitla þegar Maradona var í liðinu, en þeir komu 1987 og 1999. Maradona er því skiljanlega mjög elskaður í Napoli.
Siempre ... 🙏⚽️ #Maradona pic.twitter.com/CwRNT2uKyG
— Knattspyrnusambandið (@footballiceland) November 25, 2020
Athugasemdir