Íslenski félagaskiptaglugginn lokar á miðnætti í kvöld. Þegar glugginn lokar þá er búið að loka fyrir öll félagaskipti til íslenskra félaga, líka yngri flokka, þetta tímabilið.
Fótbolti.net mun að sjálfsögðu vera á vaktinni og fylgjast með helstu skiptum dagsins.
Einhver félagaskipti gætu verið tilkynnt á næstu dögum, það gæti tekið einhverja daga að klára félagaskipti milli landa. Félögin þurfa þó að skila inn skiptunum til KSÍ fyrir miðnætti í kvöld.
Það ber að geta þess að glugginn verður opinn áfram í flestum löndum Evrópu svo erlend félagslið munu áfram geta átt möguleika á að sækja leikmenn úr íslenska boltanum þó glugginn hér á landi verði lokaður.
Hér má sjá allar fréttir merktar (Staðfest)
Það er ljóst að dagurinn verður annasamur á einhverjum skrifstofum íslenskra félagsliða í dag. Lið sem telja sig nauðsynlega þurfa á styrkingu að halda til að tryggja betri niðurstöðu í deildinni þurfa að vinna hratt og vel í dag.
Athugasemdir