Alfreð Finnbogason.
Sóknarmaðurinn Alfreð Finnbogason er mættur aftur í landsliðið en hann lék báða leikina í verkefninu sem var að klárast.
Alfreð var hluti af liðinu sem komst bæði á EM og HM, en núna er hann mættur aftur eftir nokkra fjarveru vegna meiðsla.
Alfreð var hluti af liðinu sem komst bæði á EM og HM, en núna er hann mættur aftur eftir nokkra fjarveru vegna meiðsla.
Ísland gerði í kvöld 1-1 jafntefli gegn Albaníu á útivelli þrátt fyrir að vera manni færri frá tíundu mínútu. Jöfnunarmarkið kom í blálokin en Ísland sýndi mikinn karakter í þessum leik og sýndi jafnframt mikla liðsheild.
Í útsendingu Viaplay frá leiknum kom fram að Alfreð hefði látið skemmtileg ummæli falla í klefanum eftir leik.
„Svona verða lið til," á Alfreð að hafa sagt í klefanum eftir leik en Hörður Magnússon sagði frá þessu í útsendingunni.
Miklar breytingar hafa verið á íslenska landsliðinu síðasta ár og er nýtt lið í uppbyggingu.
Kári Árnason, fyrrum landsliðsmaður, var sammála Alfreð. Liðsheildin sást í kvöld. „Menn eru að leggja sig 100 prósent fram. Ég er sammála því," sagði Kári og bætti við: „Hann henti heldur betur í klisju inn í klefa."
Athugasemdir
