Landsliðsbakvörðurinn Ari Freyr Skúlason fékk góðan stuðning úr stúkunni á æfingu Íslands í Parma á mánudaginn en þangað voru mættir aðilar úr ítölskum aðdáendahópi hans.
Eins og Fótbolti.net hefur fjallað talsvert um er Ari gríðarlega vinsæll í bæ sem er í Bologna á Ítalíu og var þar haldin sérstök Skúlason hátíð í byrjun september eins og lesa má um hér.
Eins og Fótbolti.net hefur fjallað talsvert um er Ari gríðarlega vinsæll í bæ sem er í Bologna á Ítalíu og var þar haldin sérstök Skúlason hátíð í byrjun september eins og lesa má um hér.
„Það er gaman að þessu, þetta er klukkutíma keyrsla fyrir þá. Þeir sögðust ætla að vera 3-4 en enduðu aðeins fleiri," segir Ari.
„Þeir reyndu fyrst að hafa samband við mig og höfðu svo samband við Óskar (fjölmiðlafulltrúa) til að fá upplýsingar um hvernig þeir ættu að gera þetta og hvar við vorum að æfa. Þeir sýna þessu gríðarlegan áhuga."
Ari hefur verið að glíma við meiðsli á rist en segir að staðan sé þokkaleg í dag.
„Ég fékk högg á ristina fyrir einhverjum þremur leikjum síðan og svo hef ég fengið högg á sama stað í öllum leikjunum eftir það. Ristin hefur verið bólgin en ég hef getað spilað. Maður er bara í aðhlynningu og hugsa vel um mig, þá ætti maður að vera klár," segir Ari sem telur að það séu ákaflega litlar líkur á því að hann missi af leiknum gegn Króatíu á laugardag.
„Það þyrfti eitthvað mjög leiðinlegt að gerast til að ég myndi missa af honum."
Ari segir að ef Ísland spili eins og liðið er vant gegn Króatíu ætti liðið að eiga fínan möguleika á að taka öll stigin. Viðtalið má sjá í heild í sjónvarpinu hér að ofan.
Athugasemdir