Íslenska landsliðið er sem stendur í Parma á Ítalíu í undirbúningi sínum fyrir leikinn gegn Króatíu 12. nóvember næstkomandi.

Leikurinn er uppgjör toppliðanna í riðlinum en þau hafa bæði sjö stig.

Ari Freyr Skúlason á stóran aðdáendahóp á Ítalíu þar sem Skúlason, hljómar eins og blótsyrði, sem fólk í Pieve di Cento bænum í Bologna notar jafnan.

Bærinn hefur í hyggju að gera Ara Frey að heiðursborgara í bænum en stuðningsmenn Ara nýttu tækifærið og kíktu á sinn mann á æfingu í dag.

Hér má sjá myndband sem tekið var á æfingunni og má sjá að er vel mætt. Hægt er að heyra í stuðningsmönnunum kalla nafn Ara er hann labbar framhjá.

Fyrir neðan má svo sjá myndband af því þegar þeir hittu loksins hetjuna sína.