Tónlistarmaðurinn heimsþekkti Sir Elton John hefur tjáð sig um andlát Graham Taylor. Hinn 72 ára gamli Taylor lét lífið í morgun eftir að hafa fengið hjartaáfall.
Elton John var eigandi Watford í áraraðir og hann ákvað að ráða Taylor sem knattspyrnustjóra árið 1977. Á fimm árum fór Taylor með Watford úr fjórðu efstu deild upp í annað sætið í efstu deild, auk þess sem hann kom liðinu í bikarúrslit.
Elton John var eigandi Watford í áraraðir og hann ákvað að ráða Taylor sem knattspyrnustjóra árið 1977. Á fimm árum fór Taylor með Watford úr fjórðu efstu deild upp í annað sætið í efstu deild, auk þess sem hann kom liðinu í bikarúrslit.
„Ég er mjög leiður og í áfalli yfir því að heyra af andláti Graham. Hann var mér eins og bróðir," sagði Elton John á Instagram í dag.
„Hann tók mitt elskulega félag Watford úr neðri deildum yfir í Evrópukeppni. Við urðum eitt öflugasta félag Englands þökk sé visku hans."
„Við munum heiðra Graham og drekkja sorgum okkar með frábærum minningum sem hann gaf okkur."
„Ég elska þig Graham. Ég á eftir að sakna þín mjög mikið."
Athugasemdir