Wayne Rooney, framherji Everton, mætti í dag fyrir rétt eftir að hann var gripinn ölvaður undir stýri í byrjun mánaðarins. Rooney viðurkenndi brot sitt en hann missir bílprófið í tvö ár og þarf að auki að sinna samfélagsþjónustu í 100 klukkutíma.
Hinn 31 árs gamli Rooney þarf einnig að greiða 170 punda sekt (25 þúsund krónur).
Hinn 31 árs gamli Rooney þarf einnig að greiða 170 punda sekt (25 þúsund krónur).
„Eftir réttarhöldin í dag vil ég opinberlega biðjast afsökunar á ófyrirgefanlegu dómgreindarleysi mínu með því að keyra þegar ég var yfir leyfilegum mörkum. Það var algjörlega rangt," sagði Rooney í yfirlýsingu eftir dóminn í dag.
„Ég er búinn að biðja fjölskyldu mína, stjórann, formanninn og alla hjá Everton FC afsökunar. Núna vil ég biðja stuðningsmenn afsökunar sem og alla sem hafa sýnt mér stuðning á ferlinum."
„Auðvitað tek ég refsingunni og ég vonast til að geta bætt upp fyrir þetta að einhverju leyti með því að sinna samfélagsþjónustu."
Athugasemdir