Fótbolti.net

þri 30. janúar 2018 14:05

Magnús Már Einarsson

Höddi Magg spáir í leiki vikunnar í enska boltanum

Hörður Magnússon.

Mynd: Fótbolti.net - Hafliði Breiðfjörð

Tottenham og Manchester United gera jafntefli samkvæmt spá Hödda.

Mynd: Getty Images

Hjálmar Örn var með þrjá rétta þegar hann spáði í leikina í síðustu umferð í ensku úrvalsdeildinni.

Heil umferð fer fram í dag og á morgun. Íþróttafréttamaðurinn góðkunni Hörður Magnússon á Stöð 2 Sport spáir í leikina að þessu sinni en hann vakti einnig athygli fyrir góða leiklistarhæfileika í Steypustöðinni á dögunum.

Swansea 1 - 2 Arsenal (19:45 í kvöld)
Arsenal vinnur 2-1 þar sem Mkhitaryan kemur sterkur inn.

West Ham 1 - 1 Crystal Palace (20:00 í kvöld)
Barátta bresku stjóranna og snúið að spá í þennan leik.

Huddersfield 0 - 3 Liverpool (20:00 í kvöld)
Þarna mætast bestu vinirnir Wagner og Klopp. Þeir munu ekki sættast á skiptan hlut. Liverpool mun kremja Wagner.

Chelsea 2 - 0 Bournemouth (19:45 á morgun)
Chelsea náði góðum sigri eftir að hafa verið flatir. Eddie Howe reynir alltaf að spila fótbolta en heimavöllurinn ræður úrslitum.

Everton 0 - 2 Leicester (19:45 á morgun)
Það hefur verið hörmung að fylgjast með Everton liðinu í vetur. Allardyce kom inn með ákveðnum krafti en þeir urðu síðan hálf tómir á tanknum. Liðið er skringilega samansett og ég ætla að gerast svo djarfur að spá Leicester sigri.

Newcastle 1 - 0 Burnley (19:45 á morgun)
Newcastle virðist vera á hraðri niðurleið þar sem hinn mikli hugsuður Rafa Benítez fær enga peninga til að kaupa leikmenn. Þetta er Championship lið sem hann er með í höndunum og hann gerði eiginilega kraftaverk með því að koma þeim upp. Það er líka kraftaverk ef þeir halda sér uppi. Burnley hefur skorað lítið en unnið fullt af leikjum. Ég held að Newcastle taki þennan leik.

Southampton 2 - 1 Brighton (20:00 á morgun)
Southampton átti mjög fínan leik gegn Tottenham um daginn og vinna Brighton.

Manchester City 4 - 1 WBA (20:00 á morgun)
WBA sýndi sinn besta leik í áraraðir á móti Liverpool. Þeir verða hins vegar lítil fyrirstaða fyrir Pep og félaga.

Stoke 2 - 1 Watford (20:00 á morgun)
Tveir nýir stjórar mætast þarna. Stoke er með ágætis leikmenn og nær að hafa þetta upp á gamla mátann.

Tottenham 1 - 1 Manchester United (20:00 á morgun)
Alexis Sanchez spilar sinn fyrsta deildarleik og það á móti Tottenham. Þetta endar með stórmeistarajafntefli og Jose Mourinho verður mjög ánægður með enn eitt stigið á útivelli á móti toppliði.

Fyrri spámenn:
Gaupi (7 réttir)
Gunnar Jarl Jónsson (6 réttir)
Haukur Harðarson (6 réttir)
Haukur Páll Sigurðsson (6 réttir)
Lillý Rut Hlynsdóttir (6 réttir)
Siggi Dúlla (6 réttir)
Steindi Jr (6 réttir)
Þorgrímur Þráinsson (6 réttir)
Gummi Ben (5 réttir)
Logi Bergmann (5 réttir)
Ólafur Ingi Skúlason (5 réttir)
Viðar Skjóldal - Enski (5 réttir)
Birkir Már Sævarsson (4 réttir)
Gunnhildur Yrsa Jónsdóttir (4 réttir)
Arnór Þór Gunnarsson (3 réttir)
Gunnar Heiðar Þorvaldsson (3 réttir)
Hallgrímur Jónasson (3 réttir)
Hjálmar Örn Jóhannsson (3 réttir)
Ólafur Darri Ólafsson (3 réttir)
Jón Ragnar Jónsson (1 réttur)

		L	U	J	T	ms:	mf:	mun	Stig
1	Arsenal	35	25	5	5	85	28	+57	80
2	Man City	34	24	7	3	82	32	+50	79
3	Liverpool	35	22	9	4	77	36	+41	75
4	Aston Villa	35	20	7	8	73	52	+21	67
5	Tottenham	34	18	6	10	67	54	+13	60
6	Man Utd	34	16	6	12	52	51	+1	54
7	Newcastle	34	16	5	13	74	55	+19	53
8	Chelsea	34	14	9	11	65	59	+6	51
9	West Ham	35	13	10	12	56	65	-9	49
10	Bournemouth	35	13	9	13	52	60	-8	48
11	Wolves	35	13	7	15	48	55	-7	46
12	Brighton	34	11	11	12	52	57	-5	44
13	Fulham	35	12	7	16	51	55	-4	43
14	Crystal Palace	35	10	10	15	45	57	-12	40
15	Everton	35	12	8	15	37	48	-11	36
16	Brentford	35	9	8	18	52	60	-8	35
17	Nott. Forest	35	7	9	19	42	62	-20	26
18	Luton	35	6	7	22	48	77	-29	25
19	Burnley	35	5	9	21	38	70	-32	24
20	Sheffield Utd	35	3	7	25	34	97	-63	16