Fótbolti.net

þri 28. nóvember 2017 13:00

Magnús Már Einarsson

Gaupi spáir í leiki vikunnar á Englandi

Eina.

Mynd: Fótbolti.net - Hafliði Breiðfjörð

Marco Silva, stjóri Watford, hefur betur gegn Manchester United í kvöld samkvæmt spá Gaupa.

Mynd: Getty Images

Salah heldur áfram að skora samkvæmt spá Gaupa.

Mynd: Getty Images

Leikarinn Ólafur Darri Ólafsson var með þrjá rétta þegar hann spáði í síðustu umferð í ensku úrvalsdeildinni.

Guðjón Guðmundsson, Gaupi, á Stöð 2 Sport, spáir í leikina að þessu sinni.

Brighton 1 - 1 Crystal Palace (19:45 í kvöld)
Íslandsvinurinn Roy Hodsgon nær í dýrmætt stig gegn Brighton.

Leicester 1 - 1 Tottenham (19:45 í kvöld)
Leicester tapaði 6-1 fyrir Tottenham í maí. Þeir hefna ófaranna í þessum leik og ná í jafntefli á King Power vellinum.

Watford 1 - 0 Manchester United (20:00 í kvöld)
Þetta verður sögulegur leikur rétt eins og á síðustu leiktíð þegar Watford hafði sigur 3-1. Portúgalska undrabarnið Marco Silva mun senda vin sinn og félaga Mourinho lúbarinn heim.

WBA 2 - 1 Newcastle (20:00 í kvöld)
Það hefur lítið breyst hjá WBA eftir að Tony Pulis hætti. Þeir leggja rútunni á heimavelli, beita skyndisóknum og vinna dýrmætan sigur.

Arsenal 3 - 0 Huddersfield (19:45 annað kvöld)
Arsenal hefur verið að leika býsna vel og er á siglingu. Ég held að það sé ekki vafi að þeir vinna Huddersfield. Þetta verður veisla.

Bournemouth 0 - 2 Burnley (19:45 annað kvöld)
Auðvitað er þetta skyldusigur hjá Jóhanni Berg og félögum. Þeir voru hrikalega óheppnir að tapa um helgina. Ég hygg að Jóhann Berg verði á skotskónum. Núna verður það stöngin inn.

Chelsea 3 - 1 Swansea (19:45 annað kvöld)
Englandsmeistararnir voru heppnir á Anfield um helgina og prísa sig sæla með að ná í stig. Þeir fara hins vegar létt með Swansea og skora í það minnsta þrjú mörk.

Everton 2 - 1 West Ham (20:00 annað kvöld)
Bæði lið eru hrikalega léleg um þessar mundir. David Moyes er ekki maðurinn sem hægt er að treysta á þegar rífa þarf upp lið af rassgatinu. Everton vinnur nauman sigur og Gylfi verður á skotskónum.

Manchester City 4 - 0 Southampton (20:00 annað kvöld)
Manchester City er með langbesta lið deildarinnar og fara létt með Southampton í þessum leik. Þeir skora fjögur ef ekki fimm og fá ekki eitt einasta mark á sig.

Stoke 0 - 2 Liverpool (20:00 annað kvöld)
Stoke hefur gengið bölvanlega á meðan Liverpool er með eitt albesta sóknarlið deildarinnar. Liverpool klárar þennan leik án þess að fá á sig mark og Mo Salah verður enn og aftur á skotskónum.

Fyrri spámenn:
Gunnar Jarl Jónsson (6 réttir)
Haukur Páll Sigurðsson (6 réttir)
Lillý Rut Hlynsdóttir (6 réttir)
Siggi Dúlla (6 réttir)
Steindi Jr (6 réttir)
Gummi Ben (5 réttir)
Logi Bergmann (5 réttir)
Viðar Skjóldal - Enski (5 réttir)
Birkir Már Sævarsson (4 réttir)
Gunnhildur Yrsa Jónsdóttir (4 réttir)
Gunnar Heiðar Þorvaldsson (3 réttir)
Ólafur Darri Ólafsson (3 réttir)
Jón Ragnar Jónsson (1 réttur)

		L	U	J	T	ms:	mf:	mun	Stig
1	Arsenal	35	25	5	5	85	28	+57	80
2	Man City	34	24	7	3	82	32	+50	79
3	Liverpool	35	22	9	4	77	36	+41	75
4	Aston Villa	35	20	7	8	73	52	+21	67
5	Tottenham	33	18	6	9	67	52	+15	60
6	Man Utd	34	16	6	12	52	51	+1	54
7	Newcastle	34	16	5	13	74	55	+19	53
8	West Ham	35	13	10	12	56	65	-9	49
9	Chelsea	33	13	9	11	63	59	+4	48
10	Bournemouth	35	13	9	13	52	60	-8	48
11	Wolves	35	13	7	15	48	55	-7	46
12	Brighton	34	11	11	12	52	57	-5	44
13	Fulham	35	12	7	16	51	55	-4	43
14	Crystal Palace	35	10	10	15	45	57	-12	40
15	Everton	35	12	8	15	37	48	-11	36
16	Brentford	35	9	8	18	52	60	-8	35
17	Nott. Forest	35	7	9	19	42	62	-20	26
18	Luton	35	6	7	22	48	77	-29	25
19	Burnley	35	5	9	21	38	70	-32	24
20	Sheffield Utd	35	3	7	25	34	97	-63	16