Hjörvar ræðir við Viktor Bjarka Arnarsson.
Hjörvar Hafliðason var ekki ánægður með mætinguna hjá stuðningsmönnum HK þegar liðið vann 4-1 útisigur gegn Fram á Laugardalsvellinum síðasta föstudag.
HK-ingar hafa átt öflugt sumar í Inkasso-deildinni og tróna á toppnum en mætingin hjá stuðningsmönnum liðsins hefur ekki verið í takt við árangurinn.
HK-ingar hafa átt öflugt sumar í Inkasso-deildinni og tróna á toppnum en mætingin hjá stuðningsmönnum liðsins hefur ekki verið í takt við árangurinn.
„Fram - HK var þvílíkt mikilvægur leikur fyrir HK. Ég sem krakki hefði tjaldað fyrir utan Laugardalsvöllinn," segir Hjörvar, sem er markvarðaþjálfari HK, í hlaðvarpsþætti sínum Dr. Football.
„Við HK-ingar mættum með skömmustulega fáa áhorfendur í Laugardalinn. Ég segi bara: Drullið ykkur í gang, sýnið þessu liði smá virðingu. Þetta var mjög súrt."
Hjörvar segir að mörk HK í leiknum hafi verið geggjuð en liðið getur formlega tryggt sér sæti í Pepsi-deildinni með því að forðast tap gegn ÍR á laugardaginn.
„Ég er búinn að finna tvo 'bangsa' með mér í lið sem munu banka upp á hjá þeim sem mæta ekki á leikinn á laugardaginn."
Athugasemdir
