Bayern Munchen er búið að tryggja sér farseðilinn í undanúrslit Meistaradeildar kvenna eftir leik við Rosengard frá Svíþjóð í kvöld.
Tveir íslenskir leikmenn komu við sögu en Glódís Perla Viggósdóttir byrjaði í hjarta varnarinnar hjá Rosengard.
Bayern var í afar góðri stöðu fyrir þennan seinni leik en liðið vann fyrri vðureignina sannfærandi 3-0.
Þær þýsku skoruðu eina mark leiksins í dag en það gerði Lea Schuller eftir 22 mínútur í fyrri hálfleik.
Karólína Lea Vilhjálmsdóttir spilar með Bayern en hún kom við sögu á 57. mínútu í seinni hálfleik.
Bayern mun spila við Chelsea í undanúrslitum keppninnar um að komast í úrslitin sjálf.
Athugasemdir