Troy Deeney hjá BBC hefur valið lið 3. umferðar ensku úrvalsdeildarinnar en fimm fulltrúar koma frá Liverpool eftir 3-0 sigur liðsins á Manchester United á Old Trafford. Aðeins Liverpool og Manchester City eru með fullt hús eftir þrjár umferðir.
Markvörður: Alisson Becker (Liverpool) - Eini markvörðurinn sem hélt hreinu og varði þau fáu færi sem United fékk.
Varnarmaður: Lamare Bogarde (Aston Villa) - Spilaði sinn fyrsta leik með Villa og bar sig mjög vel í vörninni.
Varnarmaður: Nathan Collins (Brentford) - Góður á báðum endum vallarins. Sterkur varnarlega og lagði upp mark fyrir Yoane Wissa.
Varnarmaður: Virgil van Dijk (Liverpool) - Hélt hreinu og var algert skrímsli í vörninni. Gæðin leka af honum og þarf Liverpool að fara græja nýjan samning sem fyrst.
Varnarmaður: Andy Robertson (Liverpool) - Var virkilega góður í sterkri frammistöðu Liverpool.
Miðjumaður: Jean Ricner Bellegarde (Wolves) - Skoraði stórglæsilegt mark í jafnteflinu gegn Forest og frammistaðan afar góð.
Miðjumaður: Amadou Onana (Aston Villa) - Langbesti maður vallarins gegn Leicester. Hljóp í gegnum menn á miðsvæðinu.
Miðjumaður: Eberechi Eze (Crystal Palace) - Hann fær 'tíuna' í liðinu. Magnaður gegn Chelsea og skoraði gott mark.
Sóknarmaður: Mohamed Salah (Liverpool) - Mark og tvær stoðsendingar á Old Trafford. Fór illa með vörn United í leiknum og er að byrja tímabilið frábærlega.
Sóknarmaður: Luis Díaz (LIverpool) - Skoraði tvö mörk gegn United. Eins og Salah þá var hann stórkostlegur. Komið að fjórum mörkum í þremur leikjum.
Sóknarmaður: Erling Braut Haaland (Manchester City) - Ekki hægt að skilja hann út undan. Tvær þrennur í röð og er nú markahæstur með 7 mörk eftir þrjá leiki.
Athugasemdir
