Lið vikunnar í enska - Trent, Díaz og Salah

Markvörður: Martin Dubravka (Newcastle) - Newcastle vann 2-0 sigur gegn Manchester United á Old Trafford og Dubravka var flottur gegn sínu fyrrum félagi.

Varnarmaður: Trent Alexander-Arnold (Liverpool) - Hann virðist vera á förum til Real Madrid en heldur áfram að spila frábærlega fyrir Liverpool. Skoraði og átti geggjaðan leik gegn Hömrunum.

Varnarmaður: Fabian Schär (Newcastle) - Ákaflega traustur í sigrinum gegn Manchester United.

Varnarmaður: Jacob Greaves (Ipswich Town) - Traustur sem klettur þegar Ipswich vann óvæntan 2-0 sigur gegn Chelsea.

Varnarmaður: Leif Davis (Ipswich Town) - Var með baráttuhug og öfluga frammistöðu sóknarlega.

Miðjumaður: Mikel Merino (Arsenal) - Skoraði eitt af mörkum Arsenal og sýndi gæði sín.

Miðjumaður: Joelinton (Newcastle) - Í úrvalsliðinu aðra umferðina í röð. Kraftmikil frammistaða og skilaði marki.

Miðjumaður: Rodrigo Bentancur (Tottenham) - Virðist hafa nýtt pirringinn yfir banninu á réttan hátt og var í baráttugír í 2-2 jafntefli gegn Wolves. Skoraði fyrra mark Spurs.

Sóknarmaður: Mohamed Salah (Liverpool) - Annar leikur, önnur stoðsending, annað mark. Það virðist ómögulegt að stöðva Liverpool í leið liðsins að titlinum.

Sóknarmaður: Luis Díaz (Liverpool) - Kom Liverpool á bragðið gegn West Ham.

Sóknarmaður: Liam Delap (Ipswich) - Var erfiður viðureignar fyrir varnarmenn Chelsea. Skoraði fyrra markið af vítapunktinum og nýtti líkamsstyrk sinn vel í gegnum allan leikinn. Öflugur.

Stjórinn: Nuno Espirito Santo (Nottingham Forest) - Alltaf þegar fólk heldur að Forest sé að fara að misstíga sig geria þeir það ekki! Hefja nýtt ár í Meistaradeildarsæti og það verðskuldað.