Udogie í baráttu við Domenico Berardi.
Antonio Conte hefur miklar mætur á Destiny Udogie, ungum vængbakverði Udinese sem stóð sig frábærlega í Serie A á síðustu leiktíð.
Udogie er 19 ára gamall og skoraði 5 mörk í 35 leikjum með Udinese auk þess að gefa þrjár stoðsendingar.
Hann á 33 leiki að baki fyrir yngri landslið Ítalíu, þar af fjóra fyrir U21 liðið þrátt fyrir ungan aldur.
Udinese hafnaði tilboðum frá Tottenham og Juventus í Udogie í upphafi sumars. Ítalska félagið vill fá 20 milljónir evra og leikmanninn lánaðan aftur til sín.
Tottenham er með Ryan Sessegnon og Ivan Perisic sem munu berjast um vinstri vængbakvarðarstöðuna á tímabilinu og góðar líkur að þessi félagsskipti gangi í gegn samkvæmt Sky á Ítalíu.
Athugasemdir
