Enska félagið Manchester City hefur ekki áhuga á því að fá Caglar Soyuncu frá Leicester City en Sky Sports greinir frá þessu.
Pep Guardiola, stjóri Man City, vill ólmur styrkja varnarlínuna í janúar og hefur tyrkneski varnarmaðurinn verið orðaður við félagið síðustu vikur.
Soyuncu hefur verið frábær í hjarta varnarinnar hjá Leicester á þessari leiktíð en liðið situr í 2. sæti deildarinnar.
Samkvæmt Sky Sports þá hefur Man City þó ekki áhuga á að fá Soyuncu frá Leicester og ljóst að Guardiola mun horfa annað.
Aymeric Laporte er byrjaður að æfa með City eftir erfið meiðsli en Guardiola vill þrátt fyrir það bæta við öðrum miðverði í þessum glugga.
City missti Vincent Kompany til Anderlecht síðasta sumar og þá fór Eliaquim Mangala frá félaginu. Philippe Sandler var þá lánaður til Anderlecht.
Athugasemdir
