AC Milan 3 - 1 AS Roma
1-0 Tammy Abraham ('16)
2-0 Tammy Abraham ('42)
2-1 Artem Dovbyk ('54)
3-1 Joao Felix ('72)
1-0 Tammy Abraham ('16)
2-0 Tammy Abraham ('42)
2-1 Artem Dovbyk ('54)
3-1 Joao Felix ('72)
AC Milan er búið að tryggja sér sæti í undanúrslitum ítalska bikarsins eftir góðan sigur gegn AS Roma í 8-liða úrslitunum.
Tammy Abraham byrjaði í fremstu víglínu hjá Milan í dag, með nýju leikmennina Santiago Giménez og Joao Félix meðal varamanna.
Abraham skoraði tvennu í fyrri hálfleik gegn sínum fyrrum liðsfélögum og komu bæði mörkin eftir undirbúning frá bakverðinum öfluga Theo Hernández.
Artem Dovbyk minnkaði muninn eftir heppilegt mark í upphafi síðari hálfleiks en í kjölfarið fengu Santi Giménez og Joao Félix að spreyta sig. Það leið ekki á löngu þar til Giménez var búinn að leggja upp fyrir Félix til að innsigla sigur Milan á heimavelli.
Mörk Milan einkenndust af slökum varnarleik Rómverja en bæði lið fengu góð færi í opnum og skemmtilegum slag.
Milan er annað liðið til að tryggja sér þátttöku í undanúrslitum bikarsins í ár eftir Bologna.
Milan mun mæta annað hvort Lazio eða nágrönnum sínum í liði Inter í undanúrslitum.
Athugasemdir
